Abşeron rayonunun Ceyranbatan qəsəbəsində yerləşən “Ekopark” yaşayış kompleksində yanğın baş verib.
Fövqəladə Hallar Nazirliyinin məlumatına görə, nazirliyin “112” qaynar telefon xəttinə çoxmərtəbəli yaşayış binasında yanğın baş verməsi barədə məlumat daxil olub. Hadisə yerinə Dövlət Yanğından Mühafizə və Xüsusi Riskli Xilasetmə xidmətlərinin qüvvələri cəlb edilib. Baş verən yanğın söndürülüb.
Yanğının söndürülməsi zamanı yanğınsöndürənlərdən biri tüstüdən boğulub. Ona hadisə yerində tibbi yardım göstərilib.
Xatırladaq ki, üç ay əvvəl də Ceyranbatan qəsəbəsində yerləşən “Ekopark” yaşayış kompleksində yanğın baş vermişdi.
