Cənubi Afrika Respublikasında (CAR) 30 qadın və yetkinlik yaşına çatmayan şəxsin də daxil olduğu 200-ə yaxın insan zəncirdə saxlanıldıqları reabilitasiya mərkəzindən xilas edilib.
Polis mərkəzin təşkilatçıları olduğu bildirilən 59 yaşlı din xadimini və onun 58 yaşlı həyat yoldaşını saxlayıb.
Axtarış zamanı onlar binada cəmi 50–60 nəfərin olduğunu bildirərək orada saxlanılan insanların sayını gizlətməyə çalışıblar. Lakin hüquq-mühafizə orqanlarının əməkdaşları otaqlarda açıqlanandan təxminən dörd dəfə çox insan aşkar ediblər.
Əməliyyatdan sonra azı 14 nəfər ağır vəziyyətdə xəstəxanaya yerləşdirilib. Xilas edilən digər şəxslər isə dövlətin böhran mərkəzlərinə yerləşdiriliblər.
