Ali təhsil müəssisələrinin boş qalan plan yerlərinə qəbulun nəticələri elan olunub.
Bu barədə Dövlət İmtahan Mərkəzindən məlumat verilib.
Məlumata görə, ali təhsil müəssisələrinin boş qalan plan yerləri və tam orta təhsil bazasında orta ixtisas müəssisələri üzrə müsabiqədə iştirak etmək üçün 18 086 nəfər ixtisas seçimi edib.
Müsabiqə nəticəsində ali təhsil müəssisələrinin 1 760 boş plan yerinə 390 nəfər, o cümlədən 167 subbakalavr qəbul olunub.
Tam orta təhsil bazasında orta ixtisas təhsili müəssisələrinə isə 16 244 nəfər qəbul edilib. Bu müəssisələr üzrə plan yerlərinin 87,92 faizi dolub, 2 231 yer isə boş qalıb.
