Bakının Xətai rayonunda yaşayış binasında yanğın baş verib.
Hadisə Məhəmməd Hadi küçəsi 72 ünvanında yerləşən binanın üçüncü mərtəbəsində qeydə alınıb.
Məlumata görə, mənzildə yaşayan 47 yaşlı kişi şəxsi münaqişə zəminində öz evini yandırıb. Hadisə yerinə Fövqəladə Hallar Nazirliyinin əməkdaşları, polis və təcili tibbi yardım briqadaları cəlb olunub.
Yanğın qısa müddətdə söndürülüb, alovun qonşu mənzillərə keçməsinin qarşısı alınıb.
Mənzili yandırdığı bildirilən şəxs polis əməkdaşları tərəfindən saxlanılıb. Ruhi xəstə olduğu bildirilən şəxs ixtisaslaşmış tibb müəssisəsinə yerləşdirilib.
Faktla bağlı araşdırma aparılır.
