Bakı Şəhəri üzrə Təhsil İdarəsinin (BŞTİ) tabeliyindəki ümumi təhsil müəssisələrində vakant və sosial məzuniyyətlə əlaqədar yaranmış müvəqqəti vakant yerlərə müəllimlərin işə qəbulu elan edilib.
Müraciətlər Azərbaycan bölməsi üzrə Azərbaycan dili və ədəbiyyat, riyaziyyat, ingilis dili və ibtidai sinif müəllimliyi ixtisasları üzrə qəbul olunur.
Cari ildə keçirilən müəllimlərin işə qəbulu (MİQ) müsabiqəsində Azərbaycan dili və ədəbiyyat, riyaziyyat və ingilis dili fənləri üzrə 70 faizdən, ibtidai sinif üzrə isə 80 faizdən yüksək nəticə göstərən namizədlər müraciət edə bilərlər.
Namizədlər şəxsiyyət vəsiqəsini və müvafiq ixtisas üzrə diplomunu təqdim etməlidirlər.
Tələblərə cavab verən şəxslər noyabrın 2-dən etibarən saat 11:00-dan 17:00-dək müvafiq sənədlərlə BŞTİ-yə müraciət edə bilərlər.
