Bakıda 23 yaşlı qadın hamiləliyini sonlandırdıqdan sonra baş verən güclü qanaxma nəticəsində vəfat edib.
Xəbər Mərkəzi “Bakupost”a istinadən məlumat verir ki, Tovuz rayon sakini Lalə Quliyevanın hamiləliyi TƏBİB-in tabeliyində olmayan özəl tibb müəssisələrindən birində sonlandırılıb. Daha sonra qadın evə aparılıb.
Bir müddət sonra onda güclü qanaxma başlayıb. Qadın təcili tibbi yardım vasitəsilə Sabunçu Tibb Mərkəzinə çatdırılıb, lakin onun öldüyü müəyyən edilib.
Məlumata görə, Lalə Quliyevanın 5 aylıq hamiləliyi zamanı dölün qüsurlu olduğu müəyyənləşdirilib. Bundan sonra o, hamiləliyi sonlandırmaq qərarına gəlib.
Lalə Quliyevanın bir qız övladı olub.
