“Azərbaycan Dəmir Yolları” QSC (ADY) Bakı–Tbilisi–Bakı marşrutu üzrə gündəlik reyslərin sayını 2-dən 4-ə çatdırıb. Yeni reyslər sayəsində sərnişinlər daha geniş seçim imkanından yararlanacaq və 30 faiz daha ucuz qiymətə səyahət edə biləcəklər.
Bu barədə ADY-nin İctimaiyyətlə əlaqələr şöbəsinin müdiri Bəxtiyar Hacıyev jurnalistlərə açıqlamasında bildirib.
Onun sözlərinə görə, reyslərin sayının artırılması ilə sərnişin yerlərinin sayı 386-dan 564-ə çatdırılıb. Bu, təxminən 50 faiz artım deməkdir. Yeni qrafik gündüz saatlarında da səyahət etmək imkanı yaradacaq.
Bəxtiyar Hacıyev bildirib ki, qatarlar hər gün Bakıdan saat 23:10-da və 09:10-da, Tbilisidən isə saat 11:00-da və 22:00-da yola düşəcək.
Marşrut üzrə bir istiqamətə minimum bilet qiymətləri belədir:
Bakıdan Tbilisiyə – 54 manat;
Yevlaxdan – 44 manat;
Gəncədən – 41 manat;
Ağstafadan – 38 manat;
Böyük Kəsikdən Tbilisiyə – 36 manat.
