Bakı Qızlar Universitetinin təhsil fəaliyyəti dayandırılıb.
Elm və Təhsil Nazirliyinin məlumatına görə, qərar Akkreditasiya Şurasının 10 iyul 2026-cı il tarixli iclasında qəbul edilib.
Bildirilib ki, universitet üzrə aparılan institusional və proqram akkreditasiyası qiymətləndirməsinin yekun nəticəsi “uyğun deyil” kimi qiymətləndirilib və ali təhsil müəssisəsinin akkreditasiya olunmuş hesab edilməməsinə qərar verilib.
Elm və Təhsil Nazirliyi Bakı Qızlar Universitetində təhsil alan tələbələrin digər ali təhsil müəssisələrinə köçürüləcəyini açıqlayıb.
Nazirlikdən bildirilib ki, qərar tələbələrin təhsilinin fasiləsizliyinin və təhsil hüquqlarının qorunmasının təmin edilməsi məqsədi daşıyır.
Məlumata görə, Azərbaycan Respublikası Nazirlər Kabinetinin təsdiq etdiyi “Təhsil müəssisələrinin akkreditasiyası Qaydaları”na uyğun olaraq, tələbələrin ixtisaslarına uyğun şəkildə digər ali təhsil müəssisələrinə köçürülməsi təmin ediləcək.
