Bakı-Balakən sərnişin qatarının hərəkətində müvəqqəti dəyişiklik edilib.
“Azərbaycan Dəmir Yolları” QSC-nin məlumatına görə, avqustun 1-dək qatar yalnız Qax stansiyasına qədər hərəkət edəcək və oradan geri qayıdacaq. Avqust ayından isə marşrut üzrə qatarın hərəkəti müvəqqəti dayandırılacaq.
Oxşar xəbərlər
Bildirilib ki, buna səbəb Qax, Zaqatala və Balakən rayonlarında müşahidə olunan qeyri-sabit hava şəraiti nəticəsində Qax–Balakən dəmiryol sahəsinə dəyən zərərdir. Hazırda infrastrukturun bərpası istiqamətində işlər davam etdirilir.
Qeyd olunub ki, bu marşrut üzrə 1–13 avqust tarixləri üçün bilet alan sərnişinlərə ödəniş tam şəkildə geri qaytarılacaq.
