Bu gün Bərdə rayonunun Ermənistan Silahlı Qüvvələri tərəfindən raket hücumuna məruz qalmasından altı il ötür.
2020-ci il oktyabrın 27-də cəbhə zonasından kənarda yerləşən Bərdənin Qarayusifli kəndi “Smerç” raketləri ilə atəşə tutulub. Hücum nəticəsində dinc sakinlər — Cəfərova Ofeliya Məcid qızı, Əhmədova Aybəniz Əşrəf qızı, İsmayılov Ehtiram Xəlil oğlu, 2013-cü il təvəllüdlü İsgəndərova Aysu Rövşən qızı və Əliyeva Almaz Salah qızı həlak olublar. Daha 13 nəfər xəsarət alıb.
Raket atəşi nəticəsində bir neçə yaşayış evi tamamilə dağılıb, sakinlərə külli miqdarda maddi ziyan dəyib.
Bərdədə həlak olan dinc sakinlər ehtiramla anılır.
