Prezident İlham Əliyev Azərbaycanın diplomatik korpusunda bir sıra yeni təyinatlar və geri çağırılmalarla bağlı sərəncamlar imzalayıb.
Sərəncamlara əsasən:
Rövşən Sadıqbəyli Azərbaycanın Avstriya və Sloveniyadakı fövqəladə və səlahiyyətli səfiri, həmçinin Vyanada yerləşən beynəlxalq təşkilatlar yanında daimi nümayəndəsi vəzifələrindən geri çağırılıb.
Rövşən Sadıqbəyli Azərbaycanın BMT-nin Cenevrə bölməsi və digər beynəlxalq təşkilatlar yanında daimi nümayəndəsi təyin edilib.
Qalib İsrafilov Azərbaycanın BMT-nin Cenevrə bölməsi və digər beynəlxalq təşkilatlar yanında daimi nümayəndəsi vəzifəsindəngeri çağırılıb.
Kamil Xasiyev Azərbaycanın Serbiya, Monteneqro və Şimali Makedoniyadakı fövqəladə və səlahiyyətli səfiri vəzifəsindən geri çağırılıb.
Kamil Xasiyev Azərbaycanın Avstriyada fövqəladə və səlahiyyətli səfiri təyin edilib.
