Prezident İlham Əliyev Azərbaycan və Türkmənistan arasında müdafiə sahəsində əməkdaşlığa dair Anlaşma Memorandumunu təsdiqləyib.
Dövlət başçısı bununla bağlı fərman imzalayıb.
Fərmana əsasən, 2026-cı il iyunun 22-də Bakı şəhərində imzalanmış “Azərbaycan Respublikası Hökuməti ilə Türkmənistan Hökuməti arasında müdafiə sahəsində əməkdaşlıq haqqında Anlaşma Memorandumu” təsdiq edilib.
Sənəd qüvvəyə mindikdən sonra onun müddəalarının həyata keçirilməsini Azərbaycan Respublikasının Müdafiə Nazirliyi təmin edəcək.
Xarici İşlər Nazirliyinə isə memorandumun qüvvəyə minməsi üçün zəruri dövlətdaxili prosedurların yerinə yetirilməsi barədə Türkmənistan Hökumətinə bildiriş göndərmək tapşırılıb.
