Azərbaycan nüfuzlu Rəqəmsal Əməkdaşlıq Təşkilatına (DCO) üzv qəbul olunub.
Üzvlük Azərbaycana qabaqcıl rəqəmsal siyasətlərə, təcrübə mübadiləsinə və beynəlxalq standartlara çıxış imkanı yaradacaq.
DCO platforması vasitəsilə yerli startapların üzv ölkələrin bazarlarına, birgə akselerasiya proqramlarına və vençur fondlarına çıxışı mümkün olacaq. Gənclər və İKT mütəxəssisləri üçün birgə təlim və sertifikasiya proqramları həyata keçiriləcək.
Üzvlük elektron ticarət və data əsaslı biznes modelləri üzrə yeni əməkdaşlıq imkanlarının yaranmasına, həmçinin Azərbaycanın Cənubi Qafqaz və Orta Asiya regionunda rəqəmsal körpü rolunun gücləndirilməsinə imkan verəcək.
Azərbaycan e-hökumət, süni intellekt və smart həllər sahəsində DCO üzvü olan ölkələrin təcrübəsindən də faydalana biləcək.
