Azərbaycanda çevik iş vaxtının tətbiqi nəzərdə tutulur. Bu model işçilərə ənənəvi 09:00–18:00 iş qrafikindən kənar, işəgötürənlə razılaşma əsasında daha çevik iş saatları ilə işləməyə imkan verəcək.
Çevik iş rejiminin əsas formaları sərbəst işə başlama saatı, hibrid iş modeli, sıxılmış iş həftəsi və nəticəyə əsaslanan iş modelidir.
Oxşar xəbərlər
Sərbəst işə başlama saatı zamanı işçi 08:00-da, 09:30-da və ya 10:00-da işə başlaya bilər. Əsas şərt gündəlik və ya həftəlik iş normasını tam yerinə yetirməkdir.
Hibrid iş modeli həftənin müəyyən günləri ofisdən, digər günləri isə evdən işləməyə imkan verir.
Sıxılmış iş həftəsi həftəlik 40 saatlıq iş yükünün 5 gün əvəzinə 4 gün ərzində yerinə yetirilməsini və əlavə istirahət gününün əldə olunmasını nəzərdə tutur.
Nəticəyə əsaslanan iş modelində isə əsas meyar işin vaxtında və keyfiyyətlə görülməsidir, iş saatlarının bölgüsü isə daha çevik müəyyən edilir.
