Qırğızıstanın paytaxtı Bişkek şəhərində sentyabrın 1-də Azərbaycan Prezidenti İlham Əliyev ilə Türkiyə Prezidenti Rəcəb Tayyib Ərdoğan arasında görüş keçirilib.
Görüşdə Azərbaycan-Türkiyə münasibətlərinin qardaşlıq və strateji müttəfiqliyə əsaslandığı vurğulanıb, bütün istiqamətlər üzrə əlaqələrin daha da inkişaf etdirilməsindən məmnunluq ifadə olunub.
Azərbaycan və Türkiyənin “Bir millət, iki dövlət” prinsipinə uyğun olaraq həm xoş, həm də çətin günlərdə daim bir-birinin yanında olduğu qeyd edilib.
Dövlət başçıları regional sülh və sabitliyin möhkəmləndirilməsi, müttəfiqlik əlaqələrinin perspektivləri, regional gündəm və qarşılıqlı maraq doğuran digər məsələlər barədə fikir mübadiləsi aparıblar.
