Azərbaycan müdafiə naziri general-polkovnik Zakir Həsənov Qazaxıstanın müdafiə naziri general-leytenant Dauren Kosanova başsağlığı ünvanlayıb.
Zakir Həsənov Xəzər dənizində təlimlər zamanı doqquz hərbi qulluqçunun dənizə düşərək həlak olması, bir nəfərin yaralanması və yeddi nəfərin itkin düşməsi xəbərindən dərin kədər hissi keçirdiyini bildirib.
O, həlak olan hərbçilərin yaxınlarına başsağlığı verib, yaralanan hərbi qulluqçuya şəfa diləyib və axtarış-xilasetmə əməliyyatlarının müsbət nəticələnəcəyinə ümid etdiyini qeyd edib.
Azərbaycan Xarici İşlər Nazirliyi də Xəzər dənizində Qazaxıstan Hərbi Dəniz Qüvvələrinin təlimləri zamanı insanların faciəvi şəkildə həlak olmasından dərin kədər hissi keçirdiyini açıqlayıb.
XİN həlak olan hərbçilərin ailələrinə və yaxınlarına, həmçinin Qazaxıstan xalqına və hökumətinə başsağlığı verib. Nazirlik itkin düşənlərin sağ-salamat xilas ediləcəyinə ümid etdiyini, yaralanan hərbçiyə isə tezliklə şəfa arzuladığını bildirib.
