Slovakiya Prezidenti Peter Pelleqrini Azərbaycan Prezidenti İlham Əliyevin rəsmi səfər zamanı avtomobili şəxsən idarə etməsini qeyri-adi qonaqpərvərlik nümunəsi kimi dəyərləndirib.
Pelleqrini “X” sosial şəbəkəsində yazıb ki, rəsmi səfərlər zamanı ev sahibi olan dövlət başçılarının sükan arxasına keçməsi nadir hallarda baş verir.
“Prezident Əliyev və mən proqramımızın növbəti hissəsini olduqca qeyri-adi şəkildə davam etdirdik. Şübhəsiz ki, rəsmi səfər zamanı ev sahibi olan dövlət başçısının şəxsən özünün sükan arxasına keçməsi nadir hallarda baş verir”, – Slovakiya Prezidenti yazıb. Onun sözlərinə görə, İlham Əliyevin bu addımı iki ölkə arasında qarşılıqlı etimadın, dostluğun və strateji tərəfdaşlığın bariz nümunəsidir.
Slovakiya Prezidenti göstərilən səmimi qonaqpərvərliyə görə İlham Əliyevə təşəkkür edib.
