Azərbaycan Qida Təhlükəsizliyi Agentliyi (AQTA) Gəncədə yas mərasimində baş verən kütləvi zəhərlənmə ilə bağlı araşdırmalara başlayıb.
Qurumun məlumatına görə, özlərini narahat hiss edən şəxslərə xəstəxanada tibbi yardım göstərilib. Onlara dəqiqləşdirilməmiş bakterial qida zəhərlənməsi diaqnozu qoyulub və vəziyyətləri qənaətbəxş qiymətləndirildikdən sonra evə buraxılıblar.
Hadisənin səbəblərini müəyyən etmək məqsədilə yas mərasimində təqdim olunan ev şəraitində hazırlanmış qida məhsullarından nümunələr götürülərək laborator müayinəyə göndərilib.
Araşdırmalar davam etdirilir.
