Ağdam rayonunda son günlər baş verən yanğınlarla bağlı aparılan araşdırmalar nəticəsində şübhəli şəxs saxlanılıb.
Daxili İşlər Nazirliyinin (DİN) Mətbuat Xidmətinin regional qrupundan bildirilib ki, hadisələrin səbəblərinin müəyyənləşdirilməsi məqsədilə polis əməkdaşları tərəfindən əraziyə pilotsuz uçuş aparatı (PUA) qaldırılıb, həmçinin videomüşahidə kameralarının görüntüləri təhlil edilib.
Araşdırmalar nəticəsində Ağdam-Ağcabədi inzibati ərazilərinin kəsişməsində yerləşən əkin sahələrinin qəsdən yandırıldığı müəyyən edilib.
İlkin məlumata görə, hadisəni 77-PT-225 dövlət qeydiyyat nişanlı “Niva” markalı avtomobili idarə edən 29 yaşlı Səbuhi Hüseynlinin törətdiyinə dair əsaslı şübhələr yaranıb və o saxlanılıb.
Faktla bağlı cinayət işi başlanılıb. Hazırda hadisənin bütün hallarının araşdırılması və şübhəli şəxsin təqsirləndirilən şəxs qismində istintaqa cəlb olunması istiqamətində prosessual tədbirlər davam etdirilir.
