“Azərbaycan Dəmir Yolları” QSC (ADY) Bakı–Ağstafa–Bakı marşrutu üzrə əlavə qatar reysləri təşkil edəcək.
Yüksək sərnişin tələbatını qarşılamaq məqsədilə noyabrın 14-dən 30-dək həftəsonlarında əlavə reyslər həyata keçiriləcək.
Qrafikə əsasən, qatar şənbə günləri Bakıdan, bazar günləri isə Ağstafadan yola düşəcək. Bununla yanaşı, Bakı–Qazax–Bakı marşrutu üzrə ənənəvi qrafiklə gündəlik səfərlər də təşkil olunur.
Biletləri ADY-nin rəsmi saytı, “ADY Mobile” tətbiqi və dəmiryol kassalarından əldə etmək mümkündür.
