Abşeron Rayon Mərkəzi Xəstəxanasında baş həkimin müavini Orxan Ənvərli bıçaqlanıb.
Hadisə zamanı Orxan Ənvərliyə əvvəllər həmin tibb müəssisəsində çalışmış və işdən azad edilmiş əməkdaş tərəfindən hücum edildiyi bildirilir. Nəticədə baş həkimin müavini bıçaq xəsarəti alıb.
Polis əməkdaşlarının keçirdiyi əməliyyat-axtarış tədbirləri nəticəsində cinayəti törətməkdə şübhəli bilinən Elçin Balayev saxlanılıb.
Faktla bağlı araşdırma aparılır.
Qeyd edək ki, Orxan Ənvərli daha əvvəl TƏBİB-in Daxili nəzarət və monitorinq departamentinin rəhbəri olub. 2026-cı ilin yayında həmin vəzifədən azad edilərək Abşeron Rayon Xəstəxanasına baş həkimin müavini təyin edilib.
