ABŞ-nin İrana zərbələri dayandırması ilə bağlı xəbərlərdən sonra dünya bazarında neft qiymətləri kəskin ucuzlaşıb.
Birja məlumatlarına görə, “Brent” markalı neftin sentyabr fyuçersləri 5%-dən çox dəyər itirərək bir barel üçün 90,4 dollara enib. Sonradan qiymət bir qədər bərpa olunaraq Bakı vaxtı ilə saat 05:39-a olan məlumata əsasən 92,6 dollar səviyyəsində qərarlaşıb.
Xatırladaq ki, ABŞ Prezidenti Donald Tramp iyulun 25-də İrana zərbələrin dayandırılması barədə göstəriş verib. Bu qərarın Hörmüz boğazında gəmiçiliyin bərpası ilə bağlı diplomatik səylərdə əldə olunan irəliləyişlə əlaqəli olduğu bildirilir.
