İrandan Azərbaycana dron vasitəsilə narkotik vasitələrin qaçaqmalçılığını təşkil edən şəxslər saxlanılıb.
Əməliyyat-axtarış tədbirləri nəticəsində İran vətəndaşının dron vasitəsilə Biləsuvar rayonunda, Cəbrayıl qaçqın şəhərciyinin yaxınlığında xüsusilə külli miqdarda narkotik vasitənin ölkəyə qanunsuz keçirilməsini təşkil etdiyi müəyyənləşdirilib.
Tədbirlər zamanı narkotik vasitələri ərazidən götürərək sonradan satışını təşkil etmək məqsədilə gələn Azərbaycan vətəndaşları Rüfət Bayram oğlu Bədəlov və Rüstəm Əli oğlu Muxtarov cinayət başında yaxalanaraq saxlanılıblar.
Onlardan 14 kiloqram 158 qram qurudulmuş marixuana, 979 qram metamfetamin və 23,1 qram tiryək aşkarlanaraq götürülüb.
Faktla bağlı başlanmış cinayət işi üzrə istintaq-əməliyyat tədbirləri davam etdirilir.
