Almaniyanın Bavariya əyalətinin baş nazirinin müavini, iqtisadiyyat naziri və Azad Seçicilər Partiyasının (Freie Wähler) sədri Hubert Ayvangerin Berlindəki hoteldə meyiti aşkarlanıb.
“Tagesspiegel” nəşrinin mənbələrə istinadən yaydığı məlumata görə, siyasətçinin ölümünə sağlamlıq problemləri səbəb ola bilər. Bununla belə, polis və prokurorluq hadisənin təfərrüatlarını müəyyənləşdirmək və kənar müdaxilə ehtimalını istisna etmək üçün araşdırmanı davam etdirir.
Nəşrin məlumatına əsasən, noyabrın 4-də yerli vaxtla saat 22:30-da Berlin Cinayət Polisi İdarəsinin (LKA) xüsusilə ağır cinayətlərlə məşğul olan istintaq qrupu, o cümlədən qətl şöbəsinin əməkdaşları hadisə yerinə gəliblər.
Hubert Ayvangerin ölümü barədə məlumat noyabrın 4-də ictimaiyyətə açıqlanıb. Onun meyiti Berlində yerləşən “Neuer Fritz” hotelində tapılıb.
“Bild” qəzetinin yazdığına görə, siyasətçi həmin gün Azad Seçicilər Partiyasının Berlindəki ofisinin açılış mərasimində iştirak etməli idi. Lakin səhhətinin pisləşməsi səbəbindən tədbirə qatıla bilməyib.
