ABŞ Prezidenti Donald Tramp respublikaçıların seçkilərdə məğlubiyyətində İranla müharibənin rol oynadığını etiraf edib.
O, bu barədə Ağ Evin qarşısında jurnalistlərə açıqlamasında bildirib.
Vitse-prezident Cey Di Vensin respublikaçıların məğlubiyyətində İranla müharibənin rol oynadığı barədə fikrini bölüşüb-bölüşməməsi ilə bağlı suala Tramp bunun əsasən doğru olduğunu deyib. Onun sözlərinə görə, hərbi əməliyyat qısamüddətli perspektivdə benzinin qiymətinin artmasına səbəb olub.
Bununla belə, Tramp İranla bağlı qəbul etdiyi qərarlara görə peşman olmadığını vurğulayıb. O bildirib ki, eyni vəziyyət təkrarlansa, yenə də eyni addımları atacaq. ABŞ Prezidenti İranın nüvə silahına sahib olmasına imkan verilməməli olduğunu da qeyd edib.
