Rusiyanın Tambov vilayətinin Kotovsk şəhərində yerləşən “Wildberries” logistika mərkəzi pilotsuz uçuş aparatının (PUA) hücumuna məruz qalıb.
Vilayət qubernatoru Yevgeni Perveşovun sözlərinə görə, hücum zamanı gecə növbəsində çalışan 7 işçi həlak olub.
İlkin məlumata əsasən, hadisə nəticəsində 25 nəfər müxtəlif dərəcəli xəsarətlər alıb. Yaralılar Tambov və Kotovsk şəhərlərindəki xəstəxanalara yerləşdirilərək tibbi yardım göstərilir.
Hadisə yerinə təcili yardım briqadaları, yanğınsöndürənlər və hüquq-mühafizə orqanlarının əməkdaşları cəlb olunub. Anbar ərazisində baş verən açıq yanğın lokallaşdırılıb, söndürülməsi istiqamətində işlər davam etdirilir.
