ABŞ Prezidenti Donald Tramp ölkəsinin yaxın vaxtlarda İrana zərbə endirmək planının olmadığını bildirib.
Tramp bu barədə “Financial Times” qəzetinə telefonla müsahibəsində danışıb. O, İranla bağlı hazırkı vəziyyətdən məmnun olduğunu qeyd edib.
“Görünür, istədiyimiz hər şeyi əldə edirik”, – deyə ABŞ Prezidenti bildirib və Vaşinqtonla Tehran arasında danışıqların davam etdiyini vurğulayıb.
İsrailin Tehrana mümkün hücumla bağlı açıqlamaları barədə suala cavab verən Tramp ABŞ-ın hərbi əməliyyata hazır olduğunu, lakin buna ehtiyac yaranmaya biləcəyini deyib:
“Hazıram, hazırıq. Lazım gəlsə, döyüşməyə hazırıq, amma bunun üçün səbəb olmaya bilər”.
