Rusiya, ABŞ və Ukrayna arasında işçi qrupları səviyyəsində üçtərəfli danışıqlar noyabrın 10–11-də Birləşmiş Ərəb Əmirliklərinin Əbu-Dabi şəhərində keçiriləcək.
ABŞ Prezidenti Donald Trampın xüsusi elçisi Stiv Uitkoff bu barədə “X” sosial şəbəkəsində məlumat yayıb.
“Birləşmiş Ştatlar Prezident Trampın müharibəni başa çatdırmaq səylərini irəli apararaq, 10–11 noyabr tarixlərində Əbu-Dabidə Ukrayna və Rusiya arasında işçi qrupları səviyyəsində danışıqlarda vasitəçi kimi çıxış edəcək”, – o yazıb.
Uitkoffun sözlərinə görə, görüşdə müharibədən sonrakı təhlükəsizlik, gərginliyin azaldılması, humanitar təşəbbüslər və münaqişənin sülh yolu ilə həlli istiqamətində növbəti addımlarla bağlı razılaşmaların əldə olunmasına diqqət yetiriləcək.
