Azərbaycandan Gürcüstana qanunsuz mal keçirilməsinin qarşısı alınıb.
Dövlət Sərhəd Xidmətinin məlumatına görə, “Qırmızı körpü” dövlət sərhədindən buraxılış məntəqəsində Gürcüstan istiqamətində hərəkət edən iki “MAN” markalı yük maşını sərhəd naryadı tərəfindən təkrar yoxlanılıb.
Yoxlama zamanı yük sənədlərində nəqliyyat vasitələrində gips daşındığı göstərilsə də, maşınlarda 240 ədəd, ümumilikdə 24 kiloqram qəlyan tütünü, 1119 ədəd avtomobil ehtiyat hissəsi və 40 ton dizel yanacağı aşkarlanıb.
Faktla bağlı əməliyyat-istintaq tədbirləri davam etdirilir.
