Bakının Binəqədi rayonunun Sulutəpə qəsəbəsində yaşayış binası tikmək istəyən sahibkar dələduzluğa məruz qalıb.
Məlumata görə, Ruslan Cabbari adlı şəxs sahibkar Araz İsgəndərova yüksək vəzifəli məmurlardan biri ilə əlaqəsi olduğunu deyərək, 1 milyon manat müqabilində tikintiyə icazə alacağını vəd edib. Sahibkar həmin məbləği ona verib.
Təxminən yeddi ay gözlədikdən sonra aldadıldığını anlayan iş adamı hüquq-mühafizə orqanlarına müraciət edib. Araşdırma zamanı Ruslan Cabbarinin aldığı pulun böyük hissəsini mərc oyunlarında uduzduğu məlum olub.
Məhkəmənin qərarı ilə Ruslan Cabbari 10 il müddətinə azadlıqdan məhrum edilib. Eyni zamanda, Cinayət Məcəlləsinin 70-ci maddəsi tətbiq olunaraq ona üç il sınaq müddəti təyin edilib.
