Tikinti və təmir işləri adı altında vətəndaşların pulunu ələ keçirməkdə ittiham olunan şirkət rəhbəri Elsevər Əliyev saxlanılıb.
İstintaq materiallarına görə, o, bir vətəndaşdan ev təmiri üçün 888 min 731 manat alıb. Lakin görülən işlərin dəyərinin 317 min 160 manat olduğu müəyyən edilib.
Digər vətəndaşdan isə təmir işləri üçün hissə-hissə 450 min manat aldığı, lakin işləri yarımçıq saxladığı bildirilir.
Elsevər Əliyev barəsində axtarış elan edilib. O, polis tərəfindən saxlanılaraq istintaqa təqdim olunub.
Faktla bağlı cinayət işi üzrə araşdırma davam edir.
