Türkiyənin İstanbul və Kocaeli şəhərlərində aramsız yağışların səbəb olduğu sel fəlakətində ölənlərin sayı 10-a yüksəlib.
Məlumata görə, İstanbulda axtarışları davam edən daha bir nəfərin meyiti sel sularından çıxarılıb. Bununla da ölənlərin sayı İstanbulda 7-yə, Kocaelidə isə 3-ə çatıb.
Son günlər Türkiyənin bəzi şəhərlərində davam edən güclü yağışlar ciddi fəsadlara səbəb olub. Evlərə və infrastruktura külli miqdarda ziyan dəyib.
