ABŞ-nin Ohayo ştatının Kolumbus şəhərində məsciddə baş verən atışma nəticəsində azı bir nəfər ölüb, daha bir nəfər yaralanıb.
Hadisə yerli vaxtla saat 14:10 radələrində baş verib. ABŞ-nin Alkoqol, Tütün, Odlu Silahlar və Partlayıcı Maddələrə Nəzarət Bürosunun (ATF) Kolumbus bölməsi atışma ilə bağlı məlumatı təsdiqləyib və əməkdaşlarının hadisə üzrə tədbirlər gördüyünü bildirib.
Yaralanan şəxsin vəziyyəti barədə hələlik məlumat verilməyib.
Polisin ilkin qiymətləndirməsinə görə, hadisə məscidə məqsədli hücum xarakteri daşımayıb. Atışmanın başvermə şəraiti araşdırılır.
