Narkotik vasitənin təsiri altında avtomobil idarə edən sürücü 20 gün müddətinə inzibati qaydada həbs olunub.
Baş Dövlət Yol Polisi İdarəsindən verilən məlumata görə, Ekoloji Nəzarət üzrə Yol Patrul Xidməti Bölüyünün əməkdaşları paytaxt sakini Bəxtiyar Ağayevi saxlayıblar.
O, “Lada” markalı avtomobillə təhlükəli manevrlər edərək kobud yol hərəkəti qaydası pozuntularına yol verib. Sənədlərini təqdim etməkdən imtina edən sürücünün davranışı şübhə doğurduğundan tibbi müayinəyə göndərilib.
Müayinə zamanı Bəxtiyar Ağayevin narkotik vasitənin təsiri altında olduğu müəyyən edilib. Məhkəmənin qərarı ilə o, 20 gün müddətinə inzibati qaydada həbs olunub.
