ABŞ-nin “Tesla” şirkəti uçuş qabiliyyətinə malik “Roadster” elektrik idman avtomobilini nümayiş etdirib.
Təqdimat “SpaceX” şirkətinin ABŞ-nin Texas ştatında yerləşən sınaq poliqonunda keçirilib. Görüntülər “Tesla”nın “X” hesabında paylaşılıb.
Tədbirdə şirkətin rəhbəri İlon Mask avtomobili belə qiymətləndirib: “Mən çox şey görmüşəm, amma beləsini heç vaxt görməmişdim”.
Avtomobilin əsas yeniliyi sıxılmış qaz buraxan və havada hərəkət zamanı maşının vəziyyətini idarə etməyə imkan verən xüsusi sistemlə təchiz olunmasıdır. Nümayiş zamanı “Roadster” maneənin üzərindən havaya qalxaraq öz oxu ətrafında fırlanıb.
