“Azərbaycan Dəmir Yolları” QSC-nin (ADY) kollektivi dəmir yollarının yaradılmasının 146-cı ildönümü və dəmir yolu işçilərinin peşə bayramı münasibətilə Fəxri xiyabanı ziyarət edib.
Ziyarət zamanı dəmir yollarının inkişafına mühüm töhfələr vermiş Ümummilli Lider Heydər Əliyevin xatirəsi ehtiramla yad edilib, məzarı önünə əklil və gül dəstələri qoyulub.
Kollektiv, həmçinin görkəmli oftalmoloq-alim, akademik Zərifə Əliyevanın xatirəsini anıb.
Daha sonra Şəhidlər xiyabanı ziyarət edilib, Azərbaycanın suverenliyi və ərazi bütövlüyü uğrunda canlarından keçmiş şəhidlərin xatirəsi ehtiramla yad olunub.
