Oktyabrın 13-də Azərbaycan Prezidenti İlham Əliyevin adından Laos Xalq Demokratik Respublikasının Prezidenti Thonqlun Sisulitin şərəfinə rəsmi nahar verilib.
Nahardan sonra dövlət başçıları, həmçinin Laosun Baş nazirinin müavini və xarici işlər naziri Tonqsavan Fomfihan Ümummilli Lider Heydər Əliyevin 1986-cı ildə Laosa səfəri zamanı çəkilmiş fotolara baxıblar.
Fotolar Heydər Əliyevin SSRİ Nazirlər Soveti Sədrinin birinci müavini vəzifəsində çalışdığı dövrdə Laos Nazirlər Sovetinin o zamankı sədri Keyson Fomfihanla görüşünü əks etdirir.
Qeyd edək ki, Keyson Fomfihan Tonqsavan Fomfihanın atasıdır.
