Çeçenistan Respublikasının başçısı Ramzan Kadırov 2024-cü ilin dekabrında Bakı-Qroznı marşrutu üzrə uçuş həyata keçirən təyyarənin qəzaya uğraması nəticəsində həlak olanlarla bağlı Azərbaycan Prezidenti İlham Əliyevə başsağlığı verib.
Ramzan Kadırov bu barədə oktyabrın 10-da Bakıda İlham Əliyevlə görüşü zamanı danışıb.
“2024-cü ilin dekabrında Bakı-Qroznı təyyarəsinin qəzaya uğraması ilə əlaqədar öz adımdan, bütün çeçen xalqı adından bir daha dərin hüznlə başsağlığı vermək istəyirəm. Bu, bizim ortaq kədərimizdir.
Biz qardaş Azərbaycan xalqının kədərini səmimi-qəlbdən bölüşürük və həlak olanların hamısının ruhuna dualar edirik”, – deyə Kadırov bildirib.
