Pakistanın Baş naziri Məhəmməd Şahbaz Şərif Azərbaycan Prezidenti İlham Əliyevə telefonla zəng edib.
Telefon danışığı zamanı iki ölkə arasında dostluq, qardaşlıq və strateji tərəfdaşlıq münasibətlərinin inkişafından məmnunluq ifadə olunub. İqtisadiyyat, ticarət və investisiya sahələrində əməkdaşlığın genişləndirilməsinin vacibliyi vurğulanıb.
Şahbaz Şərif İslamabadda Azərbaycanın “ASAN xidmət” modeli əsasında yaradılan xidmət mərkəzinin fəaliyyətindən məmnunluğunu bildirib. O, bu təcrübənin Pakistanın digər bölgələrində də tətbiqi üçün Azərbaycanın dəstəyini istəyib.
İlham Əliyev lazımi dəstəyin göstərilməsinə razılıq verib.
Söhbət zamanı regional və beynəlxalq məsələlər də müzakirə olunub. Həmçinin Pakistanın dialoqun təşviqi və gərginliyin azaldılması istiqamətində diplomatik səyləri barədə fikir mübadiləsi aparılıb.
