Bakının Nərimanov rayonunda yerləşən oteldə fəaliyyət göstərən saunada yanğın baş verib.
Fövqəladə Hallar Nazirliyinin (FHN) məlumatına görə, hadisə Koroğlu Rəhimov küçəsində yerləşən obyektdə qeydə alınıb. Əraziyə dərhal Dövlət Yanğından Mühafizə Xidmətinin qüvvələri cəlb olunub.
Yanğınsöndürənlərin operativ müdaxiləsi nəticəsində saunanın 10 kvadratmetrlik taxta konstruksiyadan ibarət buxar otağında baş vermiş yanğın qısa müddətdə söndürülüb və alovun otel binasına yayılmasının qarşısı alınıb.
Təhlükəsizlik məqsədilə tüstülənmiş binanı tərk edə bilməyən otel qonaqları təxliyə olunublar. Hadisə zamanı xəsarət alan olmayıb.
Yanğın nəticəsində saunanın bir hissəsi zərər görüb, otel binası və saunanın qalan hissəsi isə yanğından mühafizə edilib.
