Nazirlər Kabineti dövlət ümumi təhsil müəssisələrində çalışan təhsilverənlərin geyimi ilə bağlı yeni tələbləri təsdiqləyib.
Qaydalara əsasən, müəllimlərin geyimi təmiz, səliqəli, sadə və işgüzar üslubda olmalıdır. Geyim mövsümə və pedaqoji fəaliyyətin xarakterinə uyğun seçilməlidir.
Şagirdlərin diqqətini yayındıran, müəllimin fəaliyyətinə mane olan və müəyyən edilmiş işgüzar üsluba uyğun gəlməyən geyimlərə yol verilməyəcək.
Milli-mənəvi dəyərlərlə bağlı tədbirlər zamanı isə Pedaqoji Şuranın qərarı ilə milli geyimlərdən və ya onların elementlərindən istifadə edilə bilər.
Qeyd edək ki, yeni qaydalar müəllimlər üçün vahid formanın tətbiqini nəzərdə tutmur. Sənəddə əsasən, təhsilverənlərin geyimi ilə bağlı dress-kod tələbləri müəyyən edilir.
