Tovuz rayonunun Qovlar şəhərində yaşayış evində yanğın baş verib.
Hadisə Xəqani küçəsində qeydə alınıb. Bir mərtəbəli fərdi yaşayış evində baş verən yanğın Fövqəladə Hallar Nazirliyinin Dövlət Yanğından Mühafizə Xidmətinin qüvvələri tərəfindən söndürülüb.
Yanğın nəticəsində üçotaqlı evin bir otağında yataq dəsti və döşəmə yanıb. Hadisə zamanı 1984-cü il təvəllüdlü Nüşabə Hüseynova vəfat edib.
Evin böyük hissəsi yanğından mühafizə olunub. Faktla bağlı araşdırma aparılır.
