Sumqayıt şəhər 36 nömrəli tam orta məktəbində 14 şagird zəhərlənmə şübhəsi ilə xəstəxanaya yerləşdirilib.
TƏBİB-dən bildirilib ki, saat 10:20 radələrində 11 oğlan və 3 qız zəhərlənmə şübhəsi ilə Sumqayıt Tibb Mərkəzinin Uşaq Xəstəxanasının Yoluxucu xəstəliklər şöbəsinə hospitalizasiya olunub. Zəruri tibbi xidmətlər göstərilən şagirdlərin müalicəsi müvafiq şöbədə davam etdirilir və vəziyyətləri stabil qiymətləndirilir.
Qida Təhlükəsizliyi Agentliyi (AQTA) hadisəni nəzarətə götürərək araşdırmalara başlayıb.
Agentliyin apardığı ilkin araşdırmaların nəticələrinə görə, hadisəyə şagirdlərdən birinin məktəbə gətirdiyi, istifadə müddəti bitmiş (vaxtı keçmiş) şirniyyat məhsulu səbəb olub.
AQTA bildirib ki, hadisənin səbəblərinin tam müəyyənləşdirilməsi istiqamətində müvafiq tədbirlər görülür.
