Bakıda və Abşeron yarımadasında oktyabrın 2-də axşam bəzi yerlərdə arabir yağış yağacağı gözlənilir.
Şimşək çaxacağı, gecəyə doğru yağıntının leysan xarakterli olacağı ehtimal edilir. Hava dəyişkən buludlu olacaq. Mülayim şimal-qərb küləyi gündüzdən etibarən arabir güclənəcək.
Bakıda havanın temperaturu gecə 16-19°, gündüz 21-26° isti olacaq.
Azərbaycanın bölgələrində də yağış, bəzi yerlərdə leysan, şimşək və dolu ehtimalı var. Yüksək dağlıq ərazilərdə qar yağacağı, axşam saatlarında yağıntıların güclənəcəyi gözlənilir.
Gecə və səhər bəzi yerlərdə duman olacaq. Dağlıq ərazilərdə havanın temperaturu gecə 5-10°, gündüz 10-15° isti təşkil edəcək.
