ABŞ dövlət katibi Marko Rubio danışıqların çıxılmaz vəziyyətə düşməsindən sonra İran nümayəndə heyətinin ABŞ-ni tərk etməsini tələb edib.
Axios-un məlumatına görə, Rubio bazar ertəsi BMT Baş Assambleyası çərçivəsində Nyu-Yorkda olan İran nümayəndə heyətinə ölkədən dərhal çıxmaq göstərişi verib.
Ölkəni tərk etməsi tələb olunan şəxslər arasında İranın xarici işlər naziri Abbas Əraqçinin də olduğu bildirilir.
Məlumata görə, Ağ Ev əvvəlcə ABŞ və İran arasında danışıqlarda irəliləyiş əldə olunacağına ümid edirdi. Lakin günün sonuna doğru müzakirələrin çıxılmaz vəziyyətə düşdüyü məlum olub.
Həmin axşam ABŞ-nin BMT-dəki nümayəndəliyi İran tərəfinə Əraqçinin rəhbərlik etdiyi nümayəndə heyətinin Nyu-Yorkdan dərhal çıxmalı olduğunu bildirib.
ABŞ rəsmisinin Axios-a verdiyi məlumata görə, BMT Baş Assambleyası artıq başa çatdığı üçün İran nümayəndə heyətinin ölkəni tərk etməsinin vaxtı çatmışdı.
