Azərbaycan milli komandası UEFA Millətlər Liqasının yeni mövsümündə ilk oyununu keçirib.
Ayxan Abbasovun baş məşqçisi olduğu kollektiv səfərdə Litva ilə qarşılaşıb. Kaunas şəhərindəki Dariaus və Girenas stadionunda keçirilən görüş 1:1 hesabı ilə başa çatıb.
Meydan sahibləri 9-cu dəqiqədə Armandas Kuçisin penaltidən vurduğu qolla hesabı açıblar. Azərbaycan millisi 14-cü dəqiqədə Mahir Emrelinin qolu ilə tarazlığı bərpa edib.
Qarşılaşmada daha sonra qol olmayıb və komandalar meydandan 1:1 hesablı heç-heçə ilə ayrılıblar.
Azərbaycan millisinin qrupdakı növbəti oyunu oktyabrın 1-də Bakıda Lixtenşteynə qarşı olacaq.
