Türkiyə Prezidenti Rəcəb Tayyib Ərdoğan 27 Sentyabr – Anım Günü ilə əlaqədar paylaşım edib.
Ərdoğan “X” sosial şəbəkə hesabında Azərbaycanın Anım Günü münasibətilə şəhidlərin və qazilərin xatirəsini yad edib. O, paylaşımında Qarabağla bağlı mövqeyini də ifadə edib.
“Dost və qardaş Azərbaycanın Anım Günü ilə əlaqədar Qarabağı işğaldan azad etmək, azadlığına qovuşdurmaq üçün mübarizə aparan qəhrəman şəhidlərimizi rəhmətlə, qazilərimizi hörmətlə yad edirəm.
Qarabağ Azərbaycan torpağıdır, sonsuza qədər də belə qalacaq”, – Ərdoğan qeyd edib.
