Bakıda Moskva prospektində, “Şamaxinka” adlanan ərazidə bəzi avtobus marşrutlarının dayanacaq məntəqəsi dəyişdirilir.
Müntəzəm marşrut xətləri üzrə hərəkətin optimallaşdırılması məqsədilə 130, 142, 500, 503 və 508 nömrəli marşrutlar mövcud “Şamaxinka” dayanacaq məntəqəsindən çıxarılacaq.
Oxşar xəbərlər
Həmin marşrutlardan istifadə edən sərnişinlər “Azərbaycanfilm Kinostudiyası” dayanacaq məntəqəsindən istifadə edə bilərlər.
“Şamaxinka” ərazisində isə dayanacaq məntəqəsi qruplaşdırılaraq üç hissəyə ayrılacaq və sərnişinlərin rahatlığı üçün müvafiq nişanlarla işarələnəcək.
Dəyişikliyin məqsədi ərazidə avtobusların dayanacaq ətrafında yaratdığı əlavə sıxlığın qarşısını almaq, ictimai nəqliyyatın hərəkətini sürətləndirmək və sərnişinlərin rahatlığını artırmaqdır.
Ərazidə artan sərnişin tələbatının qarşılanması üçün optimallaşdırma işləri və əlavə avtobusların cəlb edilməsi də daxil olmaqla kompleks tədbirlərin davam etdiriləcəyi bildirilib.
