Bağça müəllimlərinin sertifikatlaşdırılması məktəblərdə çalışan müəllimlərin sertifikatlaşdırılması ilə eyni qaydada həyata keçiriləcək.
Məktəbəqədər və Ümumi Təhsil üzrə Dövlət Agentliyinin (MÜTDA) direktoru Eşqi Bağırov İctimai Televiziyada yayımlanan “Pressinq” verilişində bildirib ki, sertifikatlaşdırma prosesində təxminən 12 min tərbiyəçi-müəllimin iştirakı nəzərdə tutulur.
Onun sözlərinə görə, sertifikatlaşdırma iki mərhələdən ibarət olacaq. İlk mərhələdə test imtahanı keçiriləcək, daha sonra isə müsahibə təşkil olunacaq.
Eşqi Bağırov qeyd edib ki, sertifikatlaşdırmanın noyabr ayında başa çatdırılması planlaşdırılır. Tərbiyəçi-müəllimlərə proseslə bağlı əvvəlcədən dəvət göndəriləcək və onlar ən azı bir ay əvvəl məlumatlandırılacaqlar.
