Türkiyədə Bakırköy Respublika Baş Prokurorluğunun apardığı narkotik araşdırması çərçivəsində 18 nəfər barəsində gözaltı qərarı verilib. İlkin məlumatlara görə, onlardan 15-i saxlanılıb.
Gözaltı qərarı verilən şəxslər arasında məşhur aktyorlar Aras Bulut İynemli, Melis Sezen, Nilperi Şahinkaya, Melis İşiten, Hazal Filiz Küçükköse, Yeliz Yeşilçimen, həmçinin repçi Sefo (Seyfullah Sağır) və keçmiş futbolçu Hasan Şaş da var.
Siyahıda Hande Demir, Anıl Durmuş, Volkan Akçıray, Zeynep Akçıray, Eda Güzelcik, Sezer Çakır və Sayat Zurnacı da yer alıb.
Bakırköy Respublika Baş Prokurorluğunun açıqlamasına görə, bəzi şübhəlilərin narkotik və ya psixotrop maddələrdən istifadə etməsi, narkotik maddədən istifadəyə şərait yaratması və ya istifadə üçün yer təmin etməsi ilə bağlı makul şübhəni dəstəkləyən sübutlar əldə edilib. Şübhəlilər barəsində axtarış və bioloji müayinə aparılması, ifadələrinin alınması ilə bağlı da göstəriş verilib.
Araşdırma davam etdirilir.
